بقلم : لميا خطاب
تعالي نرتب المسافات
مع الاوقات
مع الأشخاص
مع الحسابات
نشوف انت مكانك فين
نشوف قلبي دا واخده لفين
نفاضل بين قضايا الكون و تكوينك
مين شاغلي حساباتي
و مين أكتر في تقديرك
و ليه لما تتبسم يميل الزهر علي عوده
تقول ندا و شروق مشاغلينه
و لما تروح
تروح النسمه من عالباب
و أقضي الوقت بتنفس وانا تعبان
و متلهف
تعود تاني
لاجل ما الاقي النسمه جوايا بتحييني
و حنيني. لييييييك
مالوش آخر
دا آخر اللي ييجي بعد سنيييين كتير
بلا أعداد
ولا العداد اللي متركب علي الحيطان و عالأبواب
هايوصف أد إيه
أنا مجنون
أنا واهم
أنا حالم
أنا عشقان
لحلم بطاردة طول الليل
و فالفجر بقفل البيبان و الشيش
و اخاف يخرج مع الفراشات
ميرجعشي
و لحضني ميجمعشي
و ابكي كتير
تقولشي تايه من أمه
نسي الطريق
نسي العلامات
حظ مفيش
و كالعاده
تحب القهوه
سادة
